Flækjumamma

Flækjumamma

Markmið:

Að efla samvinnu. Að efla félagsþroska.

Aldursmörk:

Frá 4 ára

Gögn:

Börnin.

Leiklýsing:

Kennarinn byrjar á því að kenna börnunum þulu sem hljóðar svo:

Flækjumamma, flækjumamma þú mátt ekki okkur skamma, komdu og leystu þennan hnút, og hleyptu okkur út.

Eitt barnið er flækjumamma og fer út í horn á stofunni, úr augsýn barnanna. Börnin leiðast í hring og flækja sig saman, búa til erfiðan hnút. Þegar að þau eru búin að þessu fara þau með þuluna og mamman kemur og reynir að leysa hnútinn. Börnin mega ekki sleppa höndunum á meðan að hnúturinn er leystur. Ef hópurinn er ekki stór væri gaman að leyfa öllum að vera flækjumamma.

Útfærsla:

Kennarinn er börnunum til aðstoðar, en hann má ekki hjálpa þeim of mikið, helst ekki neitt.

Heimild:

Markviss Málörvun, Ingibjörg Símonardóttir.

Leikur númer: 304

Flækjumamma
User Rating: 2.4 (1 votes)