Inn og út um gluggann

Inn og út um gluggann

Markmið:

Skemmtun, söngur,hreyfing

Aldursmörk:

Frá 4 ára

Gögn:

Engin.

Leiklýsing:

Nem ég staðar bak við hana Siggu,
nem ég staðar bak við hana Siggu.
Nem ég staðar bak við hana Siggu
svo fer hún sína leið:
Inn og út um gluggann,
inn og út um gluggann,
inn og út um gluggann
og alltaf sömu leið.

Leiklýsing:

Börnin leiðast í hring. Þau standa kyrr öll nema eitt þeirra sem er utan við hringinn og stillir sér upp aftan við Siggu. Þegar komið er að „Inn og út um gluggann“ í vísunni leggur Sigga af stað inn í hringinn, gengur til vinstri og fer undir armana á krökkunum í hringnum sem nú halda höndunum uppi, en leiðast áfram. Sem sagt bilin milli krakkanna í hringnum eru gluggarnir sem halarófan fer inn og út um; út um þann fyrsta til vinstri, inn um þann næsta, o.s.frv. Þegar komið er að síðustu línunni í söngnum stansar Sigga fyrir aftan þann sem hún er þá stödd hjá, t.d. Kalla, og er þá í næstu vísu sungið: „Nem ég staðar bak við hann Kalla“ o.s.frv.

Hlusta á lagið

Útfærsla:
Heimild:
Leikur númer: 207

Inn og út um gluggann
User Rating: 0 (0 votes)